Republic of Mindanao?-Balita

Republic of Mindanao?

Ni Bert de Guzman

GUSTO ni Speaker Pantaleon “Bebot” Alvarez na mas maraming taga-Mindanao ang kumandidato sa 2019 mid-term elections. Kapag nangyari ito, iniisip marahil ni Speaker Bebot na magkakaroon din ng Super Majority sa Senado.

Kapag ang Kamara at ang Senado ay pawang kaalyado ng PDP-Laban na partido ni Pangulong Rodrigo Roa Duterte, tiyak na lahat ng gusto ng Malacañang na ipasa at maging batas, tulad ng kontrobersiyal na Divorce Bill at Same-Sex Marriage Bill, ay matutupad.

Samakatwid, sabi ng kaibigan kong palabiro pero sarkastiko, kapag ginusto ni PRRD na palitan ang Republic of the Philippines para maging Republic of Mindanao, may posibilidad na mangyari ito. Kinontra ko si kaibigan at sinabing hindi naman siguro mangyayari ito sapagkat mismong ang mga mamamayan ang sasalungat dito. Anyway, itanong natin kay Alvarez at kay Senate Pres. Koko Pimentel.

Sa ngayon daw, tatlong senador lang ang mula sa Mindanao. Sila ay sina Sens. Migs Zubiri, Manny Pacquiao at Pimentel. Rekomendado ni Alvarez na tumakbo sa senadurya sina Special Assistant to the President (SAP) Bong Go, Davao City Rep. Karlo Nograles at Maguindanao Rep. Sajid Mangadadatu. Paano sina Harry Roque at Mocha Uson?

Sa opinyon ng iba, ang dapat kunin ni Speaker Bebot na mga kandidato ay mga pulitiko at lider-Muslim na tunay na taga-Mindanao na kumakatawan sa lantay na adhikain ng mga taga-roon. Batid nila ang saloobin, kultura at relihiyon ng mga kababayan.

Sana sa loob ng termino ni Pres. Rody ay magkaroon ng katuparan at kaganapan (fullfilment) ang pamosong titulo at katawagang ang Mindanao ay “Lupang Pangako” (Promised Land). Sa pagkakaroon ng presidente mula sa Mindanao na umaangking may dugong-Maranao, malaki ang pag-asa sa pag-unlad nito at pagkakamit ng tunay at lantay na kapayapaan, na hanggang ngayon ay parang mailap na ibon na hindi makadapo sa LUPANG PANGAKO.

Samantala, nalathala noong Sabado sa mga pahayagan na handa si PRRD na makipaggiyera sa sino mang bansang magsasagawa ng pananaliksik sa Philippine Rise (Benham Rise) nang walang permiso ng Pilipinas. Mr. President, papaano kung China ang magpunta rito at manaliksik? Gigiyerahin mo ba sila? Hindi kaya mamasaker lang ang mga sundalo, tulad ng pangamba mo sa West Philippine Sea kung kaya ayaw mong pumalag sa China, yuko-ulo at bahag-buntok, kahit inuokupa na nito ang mga teritoryo na saklaw ng ating Exclusive Economic Zone?

Ex-Pres. Duterte, ikakampanya si Quiboloy: 'Marami siyang alam sa buhay!'

Ipinahayag ni dating Pangulong Rodrigo Duterte na susuportahan niya ang senatorial bid ng kontrobersyal na pastor na si Apollo Quiboloy sa 2025 midterm elections dahil magiging “asset” daw ito ng bansa.Sa isang press conference na inilabas ng Sonshine Media Network International (SMNI) nitong Biyernes, Nobyembre 8, sinabi ni Duterte na ikakampanya niya si Quiboloy bilang senador dahil marami...

57 kilos ng shabu na isinilid sa Chinese tea bags, nakumpiska sa pantalan sa Southern Leyte

Nasa 57 kilos ng shabu ang natagpuang nakasilid sa sa mga Chinese tea bag, nang magkaroon ng inspeksyon ang mga awtoridad sa Liloan Port Terminal sa Liloan, Southern Leyte.Ayon sa ulat ng GMA Regional TV nitong Biyernes, Nobyembre 8, nasamsam daw ang mga ipinagbabawal na droga sa Chinese tea bag sa tulong ng K9 unit, na nakalagay naman daw sa isang abandonadong sport utility vehicle (SUV) bandang...

₱45 per kilong bigas, mabibili na sa NCR simula Nobyembre 11

Ipatutupad umano sa mga pamilihan sa National Capital Region (NCR) ang mandatong magtatakda sa presyo ng bigas na ₱45 kada kilo simula sa Lunes, Nobyembre 11.Sa ulat ni Bernadette Reyes sa “24 Oras” noong Biyernes, Nobyembre 8, ang pagpapatupad umanong ito ay bunga ng diyalogo sa pagitan ng Department of Agriculture at ng mga pinuno ng market associations sa iba’t ibang lupalop ng...