NEW YORK (AP) – Maglulunsad ang Coca-Cola ng una nitong nakalalasing na inumin sa Japan, isang sorpresang hakbang para sa US company na kilala sa cola at iba pang non-alcoholic beverages.
Kahit na sumubok ang Coca-Cola sa wine business noong 1970s, ang Japanese experiment ay “unique” sa 125-taong kasaysayan ng kumpanya, sinabi ni Coca-Cola Japan president Jorge Garduno. Isasama ang bagong inumin sa lumalagong “Chu-Hi” category of beverages ng Japan.
“This is a canned drink that includes alcohol; traditionally, it is made with a distilled beverage called shochu and sparkling water, plus some flavoring,” paliwanag ni Garduno.
May iba’t ibang flavors ang Chu-Hi drinks gaya ng grape, strawberry, kiwi at white peach at minsan ay pinapalitan ang shochu ng vodka. Karaniwang may 3 hanggang 9 percent alcohol, ibinebenta ito ng mga pangunahing Japanese beverage companies gaya ng Asahi, Kirin at Takara, at sikat sa kabataan at babaeng consumers.
