P15M inilaan ng Zamboanga para sa trabaho ng mga estudyante

By Balita Online

March 03, 2018

In OPINYON

Ni PNA

DINAGDAGAN ng Zamboanga City ng P6 na milyon ang pondo nito para sa implementasyon ng Special Program for Employment of Students (SPES) ngayong taon.

Sinabi ni Ma. Socoro Rojas, City Social Welfare and Development Office (CSWDO) chief, nitong Huwebes na ang alokasyon sa taong ito ay tumaas sa P15 milyon, na mas mataas ng P6 na milyon kaysa nitong nakaraang taon.

Ayon kay Rojas, magkakaloob ng trabaho ang pamahalaang lungsod sa 2,766 na estudyante sa dalawang batch na binubuo ng 1,400 high school (unang batch) at 1,366 (ikalawang batch) ng mga estudyante sa kolehiyo.

Aniya, ang mga estudyanteng makakapasa na makapagtrabaho sa SPES ay kailangang mag-apply on-line sa www.dole9.org/spes.

Magsisimula ang aplikasyon, para sa unang batch, mula sa Pebrero 20 hanggang Marso 10; at sa Marso 15-Abril 10 para naman sa ikalawang batch.

Ang mga estudyante ay magtatrabaho sa loob ng 20 araw at tatanggap ng suweldong P9,554.60 o P 477.73 kada araw.

Inako ng pamahalaang lungsod, bilang employer, ang 60 porsiyento sa suweldo ng mga estudyante habang sagot naman ng Department of Labor and Employment (DoLe) ang natitirang 40 porisyento.

Ang SPES ay isang employment bridging program tuwing Summer o Christmas vacation, na layuning madagdagan ang kita ng pamilya ng mga estudyanteng mahirap ngunit karapat-dapat, out-of-school-youth (OSY).

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...