Ni Leonel M. Abasola
Hinimok ni Senator Leila de Lima ang Department of Foreign Affairs (DFA) at Department of Labor and Employment (DoLE) na siyasatin ang napaulat na “maid auction” sa mga Pilipinong household service worker (HSW) o domestic helpers.
“The Filipino workers abroad, notably the most vulnerable household service workers, should be given guaranteed protection—especially from degrading practice and abusive employers—while they work hard to support the families here,” ani De Lima.
Nabatid mula sa mga sumbong ng mga overseas Filipino worker (OFW) sa Riyadh, Dammam, at Jeddah sa Kingdom of Saudi Arabia (KSA) na matagal nang gawain ang pagpapasa sa mga household worker sa may pinakamataas na alok na halaga.
UP, top university pa rin sa Pinas; Iba pang paaralan sa bansa, pasok sa Asian ranking!
Sinabi ng senadora na kailangang tutukan ito ng DFA at DoLE at suriin ang 2013 bilateral labor agreement sa Saudi Arabia, na nagpapatupad ng Standard Employment Contract.
“We may need to review the agreement which we entered with Saudi Arabia five years ago to check whether Filipino HSWs are properly accorded their right and are not subjected to modern-day auctions, as if they are mere commodities?” sabi pa ni De Lima.
