24 na MILF dinisarmahan ng militar

By Balita Online

February 21, 2018

In BALITA Probinsya

Ni Fer Taboy

Dinisarmahan ng militar ang 24 na miyembro ng Moro Islamic Liberation Front (MILF) nang magtangka ang mga itong dumaan sa isang military detachment sa Maguindanao, nitong Linggo ng gabi.

Sinabi ni Senior Supt. Agustin Tello, director ng Maguindanao Police Provincial Office (MPPO), na dakong 6:15 ng gabi nang maharang ng 40th Infantry Battalion ng Philippine Army (PA) ang naturang grupo ng MILF na sakay sa isang truck sa Barangay Milib, Sultan Sabaronguis, Maguindanao.

Ang grupo, aniya, na pinumunuan ni Kumander Orly Gampong ay kaanib ng 106th Base Command ng Bangsamoro Islamic Armed Forces (BIAF).

Ang mga ito ay kaagad na dinakip ng natukoy na military unit dahil sa ilegal na pagdadala ng baril, katulad ng 18 na M16 armalite rifle, limang M14 rifle, isang M16 armalite rifle na may M203 grenade launcher, iba’t ibang magazine at mga bala.

Idinahilan naman ng military na walang koordinasyon ang grupo nang dumaan ang mga ito sa kanilang lugar.

Nilinaw naman ni Tello na pinakawalan din ang mga ito dahil na rin sa tigil-putukan na dati nang napagkasunduan ng GRP-MILF Coordinating Committee on Cessation of Hostilities (CCCH).

Enero 24, 2014 nang pumirma ang Philippine government at MILF sa peace agreement.

PRO3, nilinaw pagkaaresto sa mga Aeta sa Mt. Pinatubo

Nagbigay ng paglilinaw ang Police Regional Office - 3 kaugnay sa pagkakadakip sa ilang Aeta na nagsagawa ng protesta Mt. Pinatubo crater noong Abril 18.Sa Facebook post ng PRO3 nitong Biyernes, Abril 26, ang pag-aresto umano nila sa mga Aeta ay nakabatay sa paglabag sa “public passage and unauthorized entry into an environmentally protected area.”“Ang lahat ng aksyon na isinagawa ng ating...

Pope Francis, tinig ng awa, habag, at pag-asa —Pangilinan

Nagbigay ng pagpupugay si dating Senador Francis “Kiko” Pangilinan kay Pope Francis na pumanaw noong Lunes, Abril 21.Sa X post ni Pangilinan nitong Sabado, Abril 26, inilarawan niya ang Santo Papa bilang “tinig ng awa, habag, at pag-asa.” Aniya, “Sa panahon ng matitinding pagsubok at kaguluhan sa mundo, siya ang naging tinig ng awa, habag, at pag-asa.” “Sa kanyang pamumuno, ating...

9-anyos na bata, patay matapos makuryente ng tinatayang 20 minuto

Patay ang isang 9 na taong gulang na batang lalaki matapos umano siyang makuryente nang akyatin ang isang gate sa bakuran ng kapitbahay.Ayon sa mga ulat, iginiit umano ng lola ng biktima na naglalaro lang daw ang kaniyang apo nang mangyari ang aksidente.Samantala, isang netizen din ang inulan ng batikos matapos umano nitong i-live sa Facebook ang nangyayari sa biktima. Tinatayang tumagal din...