Ni Fer Taboy
Sumuko na rin sa militar ang isang sniper ng Abu Sayyaf Group (ASG) sa bayan ng Al-Barka, Basilan nitong Sabado ng hapon.
Sa report ng Armed Forces of the Philippines (AFP), nakilala ang sumuko na si Ligod Tanjal, alyas Coy-coy, isang sharpshooter at tauhan ni ASG leader Nurhassan Jamiri.
Dinala ni Tanjal sa kanyang pagsuko sa Bravo Company ng 74th Infantry Battalion sa Barangay Macalang, ang isang M-16 rifle.
Probinsya
Tinatayang 132,000 pamilya, lumikas sa Eastern Visayas dahil sa super typhoon Pepito
Nilinaw din ng militar na kabilang si Tanjal sa watchlist ng AFP na nagpasyang magbalik-loob sa pamahalaan bunsod na rin ng pinaigting na kampanya ng pamahalaan laban sa mga terorista.
