Dengvaxia experts posibleng may conflict of interest-Balita

Dengvaxia experts posibleng may conflict of interest

Kailangan ng mga sinasabing health experts na isiwalat kung may koneksyon sila sa mga korporasyon o personalidad na sangkot sa kontrobersiya tungkol sa Dengvaxia vaccine upang malaman kung mayroon silang conflict of interest, giit ni Surigao del Sur 2nd district Rep. Johnny Pimentel.

“The mere perception of a possible conflict of interest in this case may be enough to taint or cast doubt on the opinion of a specialist, regardless of his or her credentials,” ayon kay Pimentel, na chairman ng House Committee on Good Government and Public Accountability.

Kamakilan ay nabunyag na ang dating Health Secretary Esperanza Cabral, na nagsalita ang sumulat tungkol sa isyu ng Dengvaxia, ay kasama sa board of trustees ng Zuellig Family Foundation.

Sinabi ni Pimentel na dalawang multinational pharmaceutical companies ang sangkot sa isyu ng Dengvaxia: Sanofi S.A., ang gumagagawa ng Dengvaxia, at ang local distributor ng Dengvaxia, Zuellig Pharma Holdings Pte. Ltd.

Sinusuri ng Pimentel committee ang pagbili ng Aquino administration ng tatlong milyong doses ng Dengvaxia na nagkakahalaga ng P3.5 bilyon nong Enero 2016.

Sinabi ni Pimentel na ang medical profession at ang pharmaceutical industry “are to some degree connected.”

Karaniwang inaalok ng pharmaceutical companies ang mga doktor ng overseas scholarship, pagbiyahe para sa international conferences and consultancies, sabi ni Pimentel.

“This is how moneyed pharmaceutical firms grow their influence - by cultivating gainful relationships with physicians and regulators who also happen to be doctors,” aniya.

Dagdag ni Pimentel: “In this case, it is quite possible a number of experts offering their opinion on the controversy may owe either Sanofi or Zuellig, or both, a debt of gratitude, which should be voluntarily disclosed in the interest of impartiality.”

Ang Pilipinas ang unang bansa sa mundo na gumamit ng Dengvaxia bilang bakuna laban sa dengue noong Abril 2016.

Noong nakaraang Nobyembre, isiniwalat ng Sanofi ang resulta ng long-term follow-up study na nagsasaad na ang mga batang hindi pa nagkakaroon ng dengue ng binakunahan ng Dengvaxia ay maaaring magkaroon ng severe case dengue.

Dahil dito, itinigil ng Department of Health (DOH) ang pagbabakuna ng Dengvaxia, ngunit mahigit na 830,000 bata na ang nabakunahan. - Ellson A. Quismorio

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...