NAISALBA ng Arellano University ang malamyang simula para madaig ang San Sebastian College, 19-25, 36-34, 25-16, 25-21, kahapon at masungkit ang ‘twice-to-beat incentive’ sa Final Four ng 93rd NCAA women’s volleyball tournament sa Filoil Arena sa San Juan City.
Tumipa si Jovielyn Prado ng team-high 17 puntos, habang kumikig si Regine Anne Arocha, skipper Mary Anne Esguerra, Necole Ebuen and Carla Amaina Donato ng double-digits scores para selyuhan ang pagiging No.1 ng Lady Chiefs tangan ang 8-1 marka.
Nabawi rin nila ang masaklap na kabiguan sa College of St, Benilde nitong Lunes, 21-25, 20-25, 25-19, 12-25, para sa target na sweep.
Matapos ang kabiguan sa first set, nakihamok nang sabayan ang Lady Chiefs para maitakas ang pahirapang second set.
Hospital levels sa bansa na mahalagang malaman ng bawat Pinoy
Aasahan naman ng San Sebastian na wala sinuman sa Perpetual Help (5-2), Jose Rizal (5-3) at CSB (4-3) ang makaabot sa anim na panalo para walang balakid na makausad sa susunod na round.
Sa men’s action, kinumpleto ng Arellano ang dominasyon sa 25-16, 25-14, 25-13, panalo upang makasiguro ng twice-to-beat edge tangan ang 8-1 marka.
