Ni Malu Cadelina Manar
KIDAPAWAN CITY – Apat na katao ang nasawi nang rumagasa sa kanila ang isang 10-wheeler truck sa Makilala, North Cotabato, kahapon ng umaga.
Sa ulat ng Traffic Division ng Makilala Municipal Police, dakong 11:00 ng umaga nang mangyari ang insidente sa national highway sa Makilala.
Ayon sa mga imbestigador ng Traffic Division sa lugar, nawalan ng preno ang truck habang nagmamaniobra sa pakurbang kalsada sa Sitio Patulangon, Barangay Malasila.
Probinsya
64-anyos, natagpuang patay sa dalampasigan sa Samar
Nasa lugar ang kinukumpuning tulay, kung saan inararo ng truck ang apat na nakasakay sa motorsiklo.
Tumakas ang driver ng truck matapos ang insidente.
Hindi pa rin tukoy ng pulisya ang pagkakakilanlan ng mga nasawi habang isinusulat ang balitang ito.
