Ni Liezle Basa Iñigo
Nalagutan ng hininga ang dalawang tao habang sugatan ang dalawang iba pa nang mabangga ng bus ang tatlong motorsiklo sa national highway ng Barangay San Andres sa Ilagan City, Isabela, nitong Martes.
Kinilala ang namatay na motorcycle riders na sina Dexter Lana, 25, ng Bgy. Dassun, Solana, Cagayan; at Nerwin Manuel, 23, ng Bgy. Fuyo, Ilagan City, Isabela.
Sugatan naman ang driver ng Hyundai Dalin Bus na si Anthony Ramos, 36, ng Bgy. Palattao, Naguillan, Isabela, at ang angkas sa isa sa mga motorsiklo na si David Lana, 47, ng Bgy. Dassun, Solana, Cagayan.
