Allen Dizon, panalo ng Best Actor sa Dhaka filmfest-Balita

Ni LITO MAÑAGO

ISA na namang international Best Actor trophy ang iginawad kay Allen Dizon sa katatapos na 16th Dhaka International Film Festival sa Dhaka City, Bangladesh para sa pelikulang Bomba (The Bomb) na idinirihe ni Ralston Jover.

Ginanap ang closing ceremony cum awards night nitong nakaraang Sabado ng gabi sa National Library of Dhaka.

Grateful ang dating sexy stud turned dramatic actor sa suporta ng mga kakabayan nating Pinoy sa Bangladesh partikular na ang grupo ng Philippine Embassy at mga OFW na dumalo sa pagtatapos ng filmfest.

Ito ang ikalawang Best Actor award ni Allen para sa papel niya sa pelikulang Bomba bilang person with disability (PWD) na si Pipo na nagkaroon ng relasyon sa isang teenager (played by Angeli Nicole Sanoy, Golden Screen Awardee for Patikul).

Unang nagwagi si Allen ng Special Jury Prize for Acting (tied with his co-star Angeli Nicole Sanoy) for Bomba sa 33rd Warsaw International Film Festival sa Warsaw, Poland nu’ng October 2017.

Ang Warsaw filmfest ay itinuturing na isa sa A-list film festivals sa buong mundo. Ang Top 3 prestigious filmfests ay Cannes in France, Berlinale in Germany at Venice International Film Festival in Italy.

Ang pagwawagi ni Allen sa Dhaka ay ibinahagi niya sa kanyang co-star, pamilya at mga nakatrabaho sa pelikula.

Mukhang maganda ang partnership nina Allen at Direk Ralston. Nagka-award na agad si Allen sa una nilang pelikula. May dalawang projects pa si Allen with Direk Ralston — ang Person of Interest at Latay.

Ang ilan sa notable films sa Dhaka filmfest ay ang Daha ng Turkey na nag-premiere sa Arlovy Vary Film Festival, isang A-List festival;Tramontane, a Lebanese drama film na nag-premiere sa International Critic Section ng 69th Cannes Film Festival; at ang Sea Serpents, pelikula ni Joseph Israel Laban na nagwagi ng Jury Prize sa Cinemalaya 2017.

Ang bumuo ng jury ay nagmula sa India, Bangladesh, Iran, Norway at USA. Ang tanging Filipino actress na nagwagi sa (13th) Dhaka International Film Festival ay si Vilma Santospara sa pelikulang Ekstra na idinirihe ni Jeffrey Jeturian.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...