WINALIS ng University of Perpetual Help ang nakatunggaling Lyceum of the Philippines University sa tatlong dibisyon na kanilang pinaglabanan kahapon bilang panimula ng kanilang kampanya sa NCAA Season 93 volleyball tournament sa Fil Oil Flying V Center sa San Juan City.

Sinimulan ng defending juniors champion Perpetual Junior Altas ang kanilang title -retention bid matapos i-sweep ang unang laban kontra Junior Pirates, 25-18, 25-28,25-13, sa pangunguna nina Noel Kompton at Ivan Encila na nagposte ng 13 at 12 puntos ayon sa pagkakasunod.

Kasunod nito, winalis din ng Altas ang Pirates, 25-19,25-13,25-18, sa pangunguna ni Joebert Almodiel na umiskor ng 11-puntos kasunod si Rey Taneo na nagsalansan naman ng 10-puntos.

Sa ikatlong laban, ipinakita ng Lady Altas kung bakit itinalaga silang isa sa mga title contender ngayong taon makaraang walisin din nila ang Lady Pirates, 25-21, 25-17, 25-22.

Pinangunahan ni middle blocker Lourdes Clemente ang nasabing panalo sa ipinoste nitong 14-puntos. Sinundan naman sya ng open spiker na si Cindy Imbo na nagtapos na may 13 puntos. - Marivic Awitan