Pag-dismiss sa kaso ni Richard Tan, iba pa baligtarin - DoJ

January 08, 2018

Hiniling ng Department of Justice (DoJ) sa Valenzuela Regional Trial Court (RTC) na baligtarin ang desisyon nito sa pag-dismiss sa smuggling charges laban kay Chinese businessman Chen Ju Long, na kilala rin bilang Richard Tan, at ilan pang personalidad kaugnay ng P6.4-billion shabu shipment.

Sa motion for reconsideration, hiniling ng mga state prosecutors sa Valenzuela RTC Branch 171 na baliktarin ang kanilang desisyon sa kasong kriminal laban kina Tan, Manny Li, Kenneth Dong Yi, Customs fixer Mark Ruben Taguba II, Eirene Mae Tatad, Teejay Marcellana, Chen I-Min, Jhu Ming Jyun, Chen Rong Huan at tatlong hindi pinangalanang personalidad.

Iginiit ng DoJ panel of prosecutors na may jurisdiction ang Valenzuela RTC na dinggin at litisin ang kaso sa maanomalyang shabu shipment.

Paliwanag ng DoJ panel, nang maipasok ang ilegal na kontrabando, sa pamamagitan ng Manila International Container Port (NICP), sa Valenzuela na nadiskubre ang nilalaman nito.

Matatandaang noong Disyembre 12, 2017, ipinag-utos ni Valenzuela RTC Branch 171 presiding judge Maria Nena Santos na i-dismiss ang mga kasong kriminal laban kay Tan at sa iba pang personalidad dahil umano sa “lack of jurisdiction.”

Ngunit ayon sa DoJ, mayroong jurisdiction ang Valenzuela RTC mula pa noong Nobyembre 24, 2017 na araw din kung kailan nito ipinag-utos ang ocular inspection sa mga nasabat na ilegal na droga. - Beth Camia

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...