Inaasahan ang pagsigla pa ng stock market ngayong 2018-Balita

PINAKAMASIGLA ang pagtatapos ng taon para sa lokal na stock market at inaasahang magiging maganda rin ang taong 2018 para sa sektor sa paglulunsad ng bansa ng mga bagong hakbangin upang makahimok pa ng mas maraming mamumuhunan.

“In 2017, the market did very well. It has been a very profitable year I guess for the investors,” sabi ni Philippine Stock Exchange (PSE) President Ramon Monzon.

Makaraang magtala ng lugi sa dalawang magkasunod na taon, sa unang pagkakataon ay nagsara ang benchmark PSE index sa pinakamataas sa huling araw ng kalakalan nitong Disyembre 29, tumaas ng 23.33 puntos o 0.3 porsiyento sa 8,558.42.

Naitala ang 6,840.64 na presyo ng shares sa pagtatapos ng 2016.

Ang ika-14 na pagkakataon na nagsara ang main index sa pinakamataas noong 2017, kumita ang PSEi ng 25.1 porsiyento.

Kumpiyansa si Monzon na mapapanatili ang kita sa stocks hanggang ngayong 2018, sa pagpapatupad ng kapapasa lang na Tax Reform for Acceleration and Inclusion (TRAIN) Law.

Ang bagong batas sa reporma sa buwis, na nilagdaan ni Pangulong Rodrigo Duterte nitong Disyembre 19, ay ang unang package ng panukalang Comprehensive Tax Reform Program (CTRP) ng gobyerno. Inaasahang hahatak ito ng karagdagang kita upang mapondohan ang pangangailangan ng bansa sa pamumuhunan.

“We are banking, hoping to see higher market levels with the passage of the tax reform so we are looking forward to that. We are very optimistic about 2018,” sabi ni Monzon.

Aniya, maglulunsad ang PSE ng mga bagong inisyatibo upang makahimok ng mas maraming mamumuhunan sa stock market sa harap na rin ng pagtaas ng stock transaction tax.

Ayon kay Monzon, maglulunsad ang PSE ng short selling at securities borrowing and lending (SBL) sa unang tatlong buwan ng 2018.

“We are planning to launch new indices because we felt that with new index funds, plus the short selling capability, that would make our markets attractive to foreign investors,” ani Monzon.

Itinaas ng TRAIN ang stock transaction tax mula sa 0.5 porsiyento ng isang porsiyento ng gross selling price nito sa 0.6 porsiyento.

Sa kabila nito, target ni Monzon na makakalap ng P200 bilyon halaga ng kapital ngayong 2018.

“We targeted PhP200 billion for 2017, obviously did not make it. We were only about P150 billion or something. We will target again P200 billion until we get it,” sabi ng presidente ng PSE. - PNA

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...