MATAPOS mabigong mabigyan ng contract extension sa Cignal, nagdesisyon si coach George Pascua na tanggapin ang alok ng Sta. Lucia para sa Super Liga Grand Prix sa Pebrero.
Papalitan ng FEU women’s volleyball coach si coach Jerry Yee, na nagbitiw sa Lady Realtors kamakailan para lumipat sa Total na lumalaro sa karibal na ligang Premier Volleyball League (PVL).
Pormal na ipinahayag ng Sta. Lucia ang pagkuha kay Pascua sa kanilang Twitter account.
Pinangasiwaan ni Pascua ang Petron sa 13-0 sweep sa 2015 All-Filipino Conference at championship sa 2014 Grand Prix na binubo nina American import Alaina Bergsma at Brazilian setter Erika Adachi.
