SA loob ng isang taon ng kanilang pagsasama bilang coach at player nagkaroon ng isang matibay na buklod sa pagitan nina San Beda College coach Boyet Fernandez at Robert Bolick.
Sa tulong ng nagbalik na Red Lions mentor ay nailabas ng 21-anyos na manlalarong tubong Ormoc, Leyte ang natatangi niyang husay sa larong basketball na nakatulong naman upang mapanalunan ni Fernandez ang 2017 PBA D-League Aspirants’ Cup at NCAA Season 93 Seniors Basketball crown..
“I want to thank Coach Boyet. Siya ang nag-grow sa paglalaro ko sa basketball. Ginawa niya akong MVP,” ani Bolick. “I grew because of Coach Boyet, he really deserves this championship.
“Noong natalo kami two times, nag-team building kami and I said to him that he’s going to have to trust us because for me, I think the only thing that makabawi ako kay Coach Boyet for everything he’s done. I had to repay him with a championship,” dagdag pa ni Bolick.
'Pikon daw?' UAAP fan na nag-dirty finger, agaw-eksena sa San Juan Arena!
“I always tell him, ‘I got you’.”
Bunga nito, nais ni Bolick na magkakasama pa rin sila ni Fernandez ng isa pang taon. Kaya naman, minabuti nitong hindi muna sumali sa 2017 PBA Draft.
“Puwede na ako magpa-draft, pero it’s my responsibility to give one more year to San Beda. The way they treat me, galing pa lang sa teachers, sa fathers, sa tao sa cafeteria, mga guards, kahit sino-sinong nandoon,” ani Bolick .
“You’re inspired to play for them because they have the passion. Good decision para sa akin kasi tingnan mo naman ako ngayon, two coaches helped me, Coach Jamike [Jarin], kahit bago ako, he tried, tinry niya ako and I improved a lot. When Coach Boyet became the coach, mas tumaas ang kumpyansa ko. Credit to him, credit to the coaches, the coaching staff,” aniya.
Kaya naman sa pagkampanya ng Red Lions sa NCAA Season 94, asahan ng nariyan pa rin si Bolick para pangunahan ang kanilang title retention bid. - Marivic Awitan
