Lookout bulletin vs Noynoy, Garin-Balita

Lookout bulletin vs Noynoy, Garin

Sinabi ni Department of Justice (DoJ) Secretary Vitaliano Aguirre II na isang opisyal ng pamahalaan ang lumutang upang ibunyag ang mga iregularidad sa pagbili ng P3.5 billion Dengvaxia vaccine para sa dengue immunization program ng nakalipas na administrasyon.

Sa isang panayam, sinabi ni Aguirre na “this government official is a very, very important witness who knows the transaction from beginning to end.”

Gayunman, tumanggi si Aguirre na pangalanan ang opisyal, na aniya ay makakapulong niya pagkatapos ng Pasko.

Nagboluntaryo, aniya, ang opisyal na makipagtulungan sa National Bureau of Investigation (NBI) na nagsasagawa ng imbestigasyon para matukoy ang civil at criminal liability ng mga nasa likod ng pagbili ng Dengvaxia vaccine.

Nauna nang sinabi ng DoJ secretary na inatasan niya ang NBI na palakasin ang kaso laban sa mga nasa likod ng pagbili ng Dengvaxia vaccine matapos payuhan ng manufacturer nito ang publiko na epektibo lamang ang bakuna sa mga taong nagkaroon na ng dengue ngunit mapanganib sa mga hindi pa nagkaroon ng naturang sakit.

Naglabas rin si Aguirre ng lookout bulletin order (LBO) laban kina dating Presidente Benigno Aquino III, dating health secretary Janette Garin at anim pang mga opisyal na nag-apruba sa programa noong 2015.

Inisyuhan ng LBO si Aquino at ang ibang mga opisyal ay kinasuhan batay sa reklamong inihain sa Office of the Ombudsman ng Gabriela Party-List at ng ilang mga magulang ng mga batang nabakunahan.

Bukod kina Aquino at Garin, kinasuhan din sina dating budget secretary Florencio Abad, dating executive secretary Paquito Ochoa Jr., Sanofi Pasteur vice president ng dengue vaccine Guillaume Leroy, Sanofi chief executive officer Oliver Brandicourt, Sanofi Pasteur medical doctor Ruby Dizon, Sanofi Pasteur representative Thomas Triomphe, at Sanofi-Adventis Philippines country chair Carlito Realuyo.

Kinasuhan sila ng paglabag sa Republic Act 3019 o Anti-Graft and Corrupt Practices Act, sa pag-apruba sa programa na diumano’y “grossly disadvantageous to the government and detrimental to the health and welfare of its recipients, due to the lack of comprehensive study on the effectivity and risks of the vaccines.”

Nauna rito ay inatasan ng Supreme Court (SC) ang Department of Health (DoH), Department of Education (DepEd) at Department of Interior and Local Government (DILG) na bantayan ang mahigit 800,000 batang naturukan ng Dengvaxia vaccine at pagkalooban sila ng libreng medical services at lunas kung kinakailangan. - Rey G. Panaligan

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...