Ni BRIAN YALUNG

NAGUWI ng karangalan ang 11-anyos na si Breanna L. Labadan nang tanghaling Individual All-Around champion sa katatapos na Hongkong Queens Cup 2017 International Rhythmic Gymnastics.

gymnastics copy

Nakopo ni Labadan ang tatlong ginto at isang bronze sa 11-under category ng prestihiyosong torneo na nilahukan ng pinakahuhusay na gymnasts sa rehiyon at interational.

Classic movie ‘Ipaglaban Mo!’, ipinalabas ng CCP bilang kampanya vs VAWC

Classic movie ‘Ipaglaban Mo!’, ipinalabas ng CCP bilang kampanya vs VAWC

Ginapi ni Labadan, nag-iisang gymnast na kumatawan sa bansa sa torneo, ang mga karibal mula sa China, Malaysia, Singapore, at Hongkong.

Nakamit niya ang ginto sa Ball Apparatus, Clubs Apparatus, at Individual All-Around routines, habang pangatlo siya sa Ribbon Apparatus routine.

“We are happy with the outcome of Breanna’s efforts. Her triumph was a result of dedication and hard work. We dedicate this to God and the Philippines,” pahayag Laurice Labadan, ina ni Breanna.

Pambato si Labadan ng St. Scholastica College-Manila at nagsasanay sa pangangasiwan ng Gymnastic Association of the Philippines (GAP) bilang miyembro ng national training pool.