15-anyos binoga ng 17-anyos

By Balita Online

December 11, 2017

In BALITA

Ni Mary Ann Santiago

Tigok ang isang 15-anyos na lalaki nang barilin ng 17-anyos niyang kaalitan sa Tondo, Maynila, iniulat kahapon.

Apat na araw naging kritikal bago tuluyang nalagutan ng hininga si Jerry Mel Baguio, 15, estudyante ng Alternative Learning System (ALS) ng Department of Education, at residente ng Building 24, Aroma Temporary Housing sa Tondo.

Habang arestado naman at nahaharap sa kasong murder at illegal possession of firearms ang 17-anyos na suspek, ng Building 24 Extension.

Sa ulat ni SPO4 Milbert Balinggan, ng Manila Police District (MPD)-Crimes Against Persons Investigation Section (CAPIS), binaril ng suspek ang biktima sa tabi ng Building 24 Extension, malapit sa bahay ng suspek, dakong 12:30 ng gabi nitong Disyembre 6.

Isinugod sa Gat Andres Bonifacio Hospital ang biktima upang malunasan, ngunit nasawi rin dakong 11:05 ng gabi kamakalawa.

Ayon kay Balinggan, sa hindi batid na dahilan ay nag-away ang biktima at ang suspek at nauwi sa pamamaril.

Sen. Koko Pimentel, tatakbong kongresista sa 2025

Sa gitna ng kaniyang term limit sa Senado, magbabalak namang pumasok sa Kongreso si Senador Pimentel sa pamamagitan ng pagtakbo niya bilang representante ng unang distrito ng Marikina.Nitong Linggo, Oktubre 6, nang maghain si Pimentel ng certificate of Candidacy (COC) sa opisina ng Commission of Elections (Comelec) sa San Juan City.Tatakbo raw ang incumbent senator sa ilalim ng Nacionalista...

Bilang ng mga Gen Z voters malaking porsyento nga ba sa eleksyon?

Tinatayang nasa 5.8 million new registered voters ang naitala ng Commission on Election (Comelec) noong Setyembre 2024 para sa darating na 2025 National and Local Elections (NLE). Ayon sa tala ng ahensya, mahigit tatlong milyon sa mga bagong botante ay kababaihan habang dalawang milyon naman ay kalalakihan. Sa rehiyon naman umano ng CALABARZON, nagmula ang pinakamaraming botante na may 974,655...

Ben Tulfo, itinangging may ‘political dynasty’ kapag 3 Tulfo naluklok sa Senado

'We don’t have any district.”Itinanggi ng broadcaster at senatorial aspirant na si Ben Tulfo, kapatid ni Senador Raffy Tulfo at kapwa senatorial aspirant Erwin Tulfo, na lilikha ng “political dynasty” ang kaniyang pagnanais na mahalal bilang senador ng bansa.Sa kaniyang pagharap sa media nang maghain ng certificate of candidacy (COC) sa The Manila Hotel Tent City nitong Sabado,...