Bangkay na nang matagpuan ang isang lalaki, na umano’y miyembro ng Sigue-Sigue Sputnik gang, sa Taytay, Rizal kamakalawa.
Inilarawan ang biktima na nasa edad 50, nasa 5’6” ang taas, may tattoo na “Sputnik” sa kanang hita, at nakasuot ng itim na T-shirt at camouflage na shorts.
Sa ulat ni PO2 Ahrens Comaad, ng Taytay Municipal Police Station, nadiskubre ang bangkay sa Ejercito Avenue, sa Barangay San Juan sa Taytay, bandang 6:45 ng umaga.
Nagdi-jogging si Hermoso Francisco, 59, mula sa kanyang tahanan sa Cainta, Rizal patungong Tapayan Bridge at pagsapit sa naturang lugar ay napansin ang bangkay at ini-report sa pulisya.
