Ni NORA CALDERON
NANG umuwi sa bansa si Teresita Ssen “Winwyn” Marquez pagkatapos manalo bilang kauna-unahang Asian sa ReinaHispanoamericana beauty pageant sa Bolivia, humingi siya ng pagkakataon na mai-promote ang naturang beauty pageant at ang kagandahan ng Pilipinas sa pamamagitan ng pagpapakita sa mga lugar sa bansa at iba pang magagandang kaugalian natin dito.
Isa sa mga unang pinuntahan ni Wyn ang Las Casas Filipinas de Acuzar sa Bataan, ang kinaroroonan ng mga lumang bahay na galing sa iba’t ibang lugar sa bansa na muling itinayo at inayos para ma-preserve bilang malaking bahagi ng kasaysayan at kultura ng Pilipinas.
BALITAnaw: Ang tuluyang pagkalas ng Pilipinas sa ICC noong Marso 17, 2019
Nakasama niya ang mga batang nagpi-perform doon para sa guests, Pinoy at mga bisita mula sa ibang bansa, na namamasyal.
Isa rin sa mga ipinost ni Wyn sa kanyang Facebook page at Instagram ang Hotel de Oriente na sabi’y kilala noon bilang unang five-star hotel sa Pilipinas, itinayo noong 1850 na may 83 rooms. Katapat daw nito ang Plaza de Carlos III at katabi naman ang pamosong landmark na La Insular Cigarette and Cigar Factory. Kilala rin ang hotel sa Spanish cuisine at isa sa crown jewels ng Old Binondo. Ayon sa kasayayan, isa sa kilalang guests doon si Dr. Jose Rizal na nag-stay sa Room 22.
Pero back to work na rin si Wyn. Para sa Road Trip, magkasama silang pumunta ng kanyang boyfriend na si Mark Herras sa Camiguin Island sa Bohol Sea, ilang kilometro lamang ang layo sa Mindanao coast. Pero hindi ito ang unang guesting ni Wyn sa GMA-7, dahil dalawang beses na siyang nag-host ng “Chika-Minute” ng 24 Oras na matagal na niyang wish. Nag-guest na rin siya sa Sarap Diva at sa Celebrity Bluff.
Second time na nilang mag-guest ni Mark sa Road Trip, ang Sunday travel show ng GMA-7. Bale time out na rin nila ni Mark ang pagsasama out of town dahil naging masyado siyang naging busy nang bumalik sa bansa.
Si Mark ang nag-post sa Instagram ng picture nila ni Wyn sa tabing-dagat.
Abangan na lang natin ang mga ginawa nila sa Camiguin, at alamin kung may buwis-buhay silang ginawa roon tulad nang napapanood natin sa mga nakaraang episode ng Road Trip.
