Poe sa PUJ drivers: Usap tayo-Balita

Poe sa PUJ drivers: Usap tayo

NI: Vanne Elaine P. Terrazola

Magsasagawa ng pagdinig ang Senado tungkol sa pinaplanong jeepney modernization program ng gobyerno kung saan mas akmang ilahad ng mga public utility jeepney (PUJ) drivers at operators ang kanilang hinaing laban sa nabanggit na programa, kaysa magsagawa na naman ng panibagong tigil-pasada.

Ito ang sinabi kahapon ni Senator Grace Poe, chairperson ng Senate committee on public services, matapos siyang umapela sa Pinag-Isang Samahan ng mga Tsuper at Operator Nationwide (PISTON) at sa No to Jeepney Phase Out Coalition na huwag nang ituloy ang ikinasang dalawang-araw na transport strike bukas at sa Martes, Disyembre 4 at 5.

“I am appealing to transport groups PISTON and the (No to) Jeepney Phaseout Coalition to reconsider and call off their planned strike and instead sit down with us in the committee so that the Senate can hear their concerns regarding the proposed jeepney modernization program of the government,” mensahe ni Poe sa mga grupong magtitigil-pasada. “I understand that certain issues in the modernization program still need to be carefully studied and threshed out with the concerned government agencies.”

Sinabi ni Poe na ihahain niya bukas, Lunes, ang resolusyon para magsagawa ng “urgent” na pagdinig upang talakayin ang problema ng mga jeepney driver at operator laban sa modernization program.

Plano rin niyang magsagawa ng Public Services committee hearing sa Huwebes, Disyembre 7.

“Their (PUJ sector) problems are not theirs alone, but that of the entire nation that depends on the kind of public transportation they offer. Let us sit down and talk, and find ways to move forward with solutions that are socially just and feasible,” sabi pa ni Poe.

Ang tigil-pasada bukas at sa Martes ay ikatlo na ng PISTON, na ang huli noong Oktubre ay nagbunsod ng suspensiyon ng trabaho sa gobyerno at klase sa mga paaralan sa buong bansa.

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...