Ni: Fer Taboy
Nadakip ang pinsan at kanang-kamay ng napatay na lider ng Ansar Al-Khilafah Philippines na si Mohammad Jaafar Maguid sa isang operasyon sa Sarangani, nitong Miyerkules.
Iniharap kahapon sa mga mamamahayag ng Police Regional Office-12 si Akbar Maguid Buyoc.
Napatay si Maguid ng magkasanib na puwersa ng pulisya at militar sa isang beach resort sa Barangay Kitagas, Kiamba, Sarangani noong Enero 5, 2016.
Tinatayang 132,000 pamilya, lumikas sa Eastern Visayas dahil sa super typhoon Pepito
Nahuli si Buyoc sa kanyang bahay sa Sitio Dampilan, Lumatil, Maasim, kahapon ng madaling araw.
Ayon kay Senior Supt. Johnson Almasan, deputy director for operations ng PRO-12, may hawak na granada si Buyoc nang masukol siya ng mga pulis at hindi na nagawa pang lumaban.
Kakasuhan si Buyoc ng rebelyon at nakatakda siyang dalhin sa Metro Manila.
