Take two!-Balita

Ni: Aris Ilagan

MAY pinagbago ba?

Ito ang tanong ni Boy Commute sa pagbuhay sa “motorcycle lane” policy ng Metropolitan Manila Development Authority (MMDA) sa EDSA.

Sa pahayag ng MMDA, akala ng ordinaryong mamamayan ay may namatayan.

Sa totoo lang, ito ay nangangahulugang mahigpit na ang pagpapatupad ng motorcycle lane ng naturang ahensiya laban sa mga pasaway na rider na tinatahak ang EDSA.

Ayon sa MMDA, umaabot sa 50 aksidente, na kisasangkutan ng mga motorcycle rider, ang nagaganap sa EDSA kada araw at napapanahon na upang mahigpit na ipatupad ang motorcycle lane.

Ang tanong sa MMDA: Bakit hindi ninyo hinigpitan agad ang pagpapatupad ng motorcycle lane sa unang araw nito noong Nobyembre 2016?

Marami ang nagtanong kung bakit nila bubuhayin ang regulasyon na ito, gayong isang taon na itong dapat na ipinatupad nang maayos?

Kung mahigpit sana itong ipinatupad noon, hindi sana umabot sa ganito karami ang naitatalang motorcycle-related accident sa naturang highway.

Patunay lamang ito na naging ningas cogon ang kampanya na ito at ngayong lumalala na naman ang trapik sa Maynila, naisip na naman ng gobyerno ang motorcycle lane.

Kung mahusay itong naipatupad, naisapuso na sana ito ng mga rider at hindi na paulit-ulit ang media at ang MMDA sa pagbibigay-linaw sa mga panuntunan ng naturang batas.

Ilan pa bang batas-trapiko ang hindi naipatutupad nang maayos, hindi lamang ng MMDA kundi maging ng iba pang ahensiya ng pamahalaan?

And’yan ang pedestrian lane, yellow box (intersection), no blowing of horn, speed limit, no loading-unloading zone at maraming pang iba.

Mantakin n’yo, kung ang lahat ng ito’y maayos na naipatutupad, malamang ay naninikit na sa ilong, hindi lamang ng mga rider kundi lahat ng motorista, ang salitang “disiplina”.

Sa English, ang tawag dito ay “consistency” o tuluy-tuloy na pagpapatupad ng batas at hindi lang pabugsu-bugso na parang ulan.

Nitong nakaraang Martes, halos hindi na umusad ang mga sasakyan sa EDSA.

Pikon na pikon na naman ang mga motorista dahil nawala sa lansangan ang mga MMDA traffic enforcer.

Ganito na lang palagi ang nangyayari sa tuwing nagkakabuhul-buhol ang mga sasakyan, nawawalang parang bula ang mga traffic constable.

Hindi ba dapat bigyan ang mga ito ng portable GPS (global positioning system), upang malaman sa MMDA Central Command kung sila’y nananatili sa kanilang puwesto?

Consistency ang kailangan, amigo!

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...