P5B tulong ng US sa Marawi, drug war-Balita

P5B tulong ng US sa Marawi, drug war

Ni ARGYLL CYRUS B. GEDUCOS

Sinabi ng Malacañang na nakuha ni Pangulong Rodrigo Duterte ang tiwala ni United States President (POTUS) Donald Trump matapos ipahayag ng White House ang $101.3 milyon o tinatayang P5.1 bilyon, bilang suporta sa mga inisyatiba ng administrasyong Duterte.

Ito ay matapos ipahayag ng White House nitong Miyerkules, sa pagbabalik ni Trump, na ipinangako ng gobyerno ng US ang nasabing halaga para suportahan ang rehabilitasyon ng Marawi City, paglaban ng bansa sa terorismo, at ang kampanya kontra droga ng administrasyon.

Ayon sa White House, karagdagang $14.3 milyon (P750M) ang ibubuhos para sa rehabilitasyon ng Marawi City; $85M para sa counter terrorism-related equipment ng Pilipinas, pagsasanay at suporta para sa sandatahang lakas nito; at $2M (P101M) para suportahan ang drug war ng administrasyon.

Ayon kay Presidential Spokesperson Harry Roque, mas maganda sana kung mismong si Trump ang nagpahayag nito habang nagbibisita sa Pilipinas upang personal na nakapagpasalamat si Pangulong Duterte.

“Sana sinabi na ‘yan ni President Trump doon sa bilateral nila, eh ‘di tuwang-tuwa talaga lalo si President [Duterte],” aniya sa press briefing sa Palasyo kahapon.

Nangyari ang bilateral meeting nina Duterte at Trump nitong Lunes sa sidelines ng 31st Association of Southeast Nations (ASEAN) Summit sa Pasay City.

Sinabi ng Malacañang na hindi binanggit ni Trump ang isyu ng human rights violations kaugnay sa giyera kontra droga ngunit tinalakay ni Duterte ang kanyang kampanya kay Trump.

“But I’m sure, although it was announced belatedly that the Philippine President or President Duterte will appreciate this commitment to the war against drug,” ani Roque.

“That proves without doubt that the US President supports the war on drugs. Why would he otherwise give $2 million to this cause if he thinks it’s not being implemented correctly?” aniya.

Bago umalis ng Pilipinas, sinabi ni Trump kay Executive Secretary Salvador Medialdea, na ipaabot kay Duterte na nasiyahan siya sa kanyang pananatili sa Pilipinas at nagustuhan niya ang kanyang Filipino counterpart.

“Thank you very much, I had a great time and tell Rodrigo I like him very much,” diumano’y sinabi ni Trump kay Medialdea bago sumakay ng Air Force One nitong Martes.

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...