BUONG buwang namayagpag ang ABS-CBN nitong Oktubre sa paghahandog nito ng mga palabas na puno ng aral at mga makabuluhang balita batay sa tinamo nitong average audience share na 46% kumpara sa 33% ng GMA, ayon sa viswership survey data ng Kantar Media.
Patuloy pa ring nangunguna ang ABS-CBN sa lahat ng panig ng bansa. Sa Mega Manila, nakakuha ito ng average audience share na 36% kumpara sa 34% ng GMA; sa Metro Manila 41% laban sa 27% ng GMA; sa Total Luzon 43% kumpara sa 34% ng GMA; sa Total Visayas ay nagrehistro ng 53% at 28% ang GMA; at sa Total Mindanao ay pagtala naman ng 50% laban sa 33% ng GMA.
Napanatili ng FPJ’s Ang Probinsyano ang paghahari sa national TV ratings sa naitalang monthly average national TV rating na 39.9%. Sinusubaybayan ang lalong humihirap na misyon ni Cardo (Coco Martin) ngayong sanib-pwersa na ang mga kalaban.
Sa larangan ng pagbabalita, TV Patrol (34.4%) pa rin ang pinakatinutukang news program sa bansa noong Oktubre, kumpara sa 20.8% ng katapat na 24 Oras.
Patuloy ding tinututukan ang La Luna Sangre (33%) gabi-gabi at nanggulat sa mga manonood at pinag-uusapan nang husto sa social media ang rebelasyon ni Jacintha Magsaysay (Angel Locsin) bilang isang bampirang nagnanais mapatumba ang Supremo.
Bahay ni Teddy Corpuz, nilooban; gadget na nakulimbat, naisauli!
Hindi rin nagpadaig ang mga batang puno ng talento at madadamdaming mga kuwento sa Little Big Shots (31.3%) sa pangunguna nito tuwing Sabado at Linggo ng gabi.
Tinutukan at pinag-usapan din sa social media ang pagkamatay ni Ivy Aguas at pagkabuhay ni Lily Cruz (Maja Salvador) noong Oktubre, kaya humataw ang Wildflower (28.9%) sa national TV ratings.
Tinutukan din ang mga aral na hatid ng Wansapanataym (27.5%) at mga tunay na kuwento ng buhay ng letter senders ng MMK(27.1%).
Nagdala rin ng katatawanan sa bawat kabahayan ang Kapamilya shows na Home Sweetie Home (27.1%) at Goin’ Bulilit (24%) na pinagbibidahan ng child stars ng ABS-CBN.
Samantala, inabangan ang ABS-CBN sa lahat ng time block noong Oktubre, partikular ang primetime (6PM-12MN) na nakakuha ang Kapamilya Network ng average audience share na 50%, 21 na puntos ang lamang sa 31% ng GMA.
Tinutukan din ang ABS-CBN sa morning block (6AM-12NN) sa naitalang average audience share na 39% kumpara sa 32% ng GMA, sa noontime block (12NN-3PM) sa pagrehistro nito ng 47% laban sa 33% ng GMA, at sa afternoon block (3PM-6PM) sa pagtala nito ng 42% at tinalo ang GMA na may 39%.
