SINABI ni Ivanka Trump, na ang amang si Pangulong Donald Trump ay nahuli sa mikropono na nagyayabang tungkol sa panghihipo ng mga babae, sa Tokyo audience nitong Biyernes na ang sexual harassment ay hindi dapat kinukunsinti ng kababaihan, at nanawagang igalang ang mga babaeng katrabaho.
Ang kanyang talumpati ay may kinalaman sa kaliwa’t kanang headlines sa buong mundo tungkol sa akusasyon ng sexual harassment laban sa mga kilalang lalaki sa entertainment at pulitika.
Nagsalita sa World Assembly for Women sa Tokyo, sinabi ng anak na baba ng US president na: “All too often, our workplace culture fails to treat women with appropriate respect.”
Niana Guerrero, pinaplano na ring pasukin ang showbiz?
“This takes many forms, including harassment, which can never be tolerated,” dagdag niya.
Nabigyang pansin ang isyu sa sexual harassment simula nang sumabog ang akusasyon laban sa Hollywood producer na siHarvey Weinstein, na sinundan ng paglutang ng mga alegasyon laban sa iba pang sikat at kilalang kalalakihan sa entertainment industry.
Ang defense minister ng Britain ay nagbitiw ngayong linggo dahil sa harassment scandal sa parliament.
Sa video tape ni Trump na lumutang noong nakaraang Oktubre, napanood si Trump na ipinagmamalaki na natatakasan niya ang kanyang ginawang mga kabastusan.
“When you’re a star, they let you do it,” aniya. “Grab them by the pussy. You can do anything,” dagdag pa ni Trump.
Kasunod nito ay ilang babae ang nag-akusa kay Trump ng sexual misconduct, na aniya ay pawang kasinungalingan.
Nagtalumpati ang kanyang anak na babae dalawang araw bago dumating si Trump sa Japan sa Linggo sa pagsisimula ng marathon Asian tour nito.
Sinabi ni Ivanka Trump na ang kababaihan ay hindi dapat husgahan sa ay pnagtatrabaho nila sa bahay o sa opisina.
“Truth be told, on Sunday nights, after a messy and wonderful weekend with my children, I am far more exhausted than on Friday evenings, after a long week of work at the office,” biro niya. - AFP News
