Hudyat laban sa katiwalian-Balita

Ni: Celo Lagmay

ANG pagsasampa ng kasong katiwalian laban kay Ex-Secretary Jospeh Imilio Aguinaldo Abaya at sa 20 iba pa kaugnay ng sinasabing malawakang anomalya sa MRT-3 ay natitiyak kong naghudyat sa paghahabla ng iba pang opisyal ng nakalipas at kasalukuyang administrasyon na pinaniniwalaang kasangkot sa mga alingasngas. Si Abaya ang dating Kalihim ng noon ay Department of Transportation and Communication (DoTC), na ngayon ay Department of Transportation (DOTr), noong panahon ni dating Pangulong Benigno Aquino.

Hindi ko bubusisiin ang mga detalye ng nabanggit na asunto laban kay Abaya sapagkat ito ay nakasampa na sa Office of the Ombudsman; sub judice, sabi ng mga abogado. Sapat nang bigyang-diin na ang mga kapalpakan sa operasyon ng naturang transport system ay nag-ugat noong nakalipas na administrasyon; na ito ang dahilan ng halos araw-araw na pagtirik ng mga bagon na nananatiling kalbaryo na pinapasan ng milyun-milyong nanggagalaiting pasahero.

Dahil dito, naniniwala ako na hindi lamang corruption case ang dapat isinampa laban sa mga dating opisyal ng Aquino administration. Hindi ba higit na angkop na isinampa ang plunder case sapagkat bilyun-bilyong piso umano ang nakulimbat dahil sa maanomalyang transaksiyon? Ang pagsasampa na kaso laban kay Abaya at iba pa ay paulit-ulit na umuugong sa mga pagdinig sa Senado.

At dahil pa rin dito, malakas ang aking kutob na hindi na lulubayan ng kasalukuyang administrasyon ang sunud-sunod na paghahabla sa sinumang dapat managot sa katiwalian --maging ang mga ito ay kaalyado ng nakaraang pangasiwaan o ng kasalukuyang administrasyon.

Malimit ipahiwatig ni Pangulong Duterte na tutugisin niya ang mga kasangkot sa masalimuot na Priority Development Assistance Fund (PDAF) at Disbursement Acceleration Program (DAP). Supreme Court ang nagpasiya na ang mga ito ay labag sa Konstitusyon. Samakatuwid, marapat lamang managot ang mga nakisawsaw sa nabanggit na mga pondo.

Magugunita na ang sinasabing mga idinawit sa pagsasamantala sa PDAF at DAP ay tila hindi man lamang nakasuhan; at kung naihabla man ay hindi naman nilitis. Hindi ba talamak noon ang pag-iral ng selective justice o katarungang may pinipili? Ang mga naging biktima ng ganitong sistema ng katarungan ay nadurusa pa sa mga piitan.

Dapat patunayan ng kasalukuyang administrasyon na ang selective justice ay naging bahagi ng lumipas. Ihabla ang mga kaalyado nito na dapat managot sa anomalya sapagkat sila ang natitiyak kong magiging balakid sa paglikha ni Pangulong Duterte ng ipinangangalandakan niyang malinis na gobyerno.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...