NI: Bert De Guzman
Sinabi kahapon ni Speaker Pantaleon Alvarez na hindi siya naghihiganti kay Supreme Court Chief Justice Ma. Lourdes Sereno kaugnay sa impeachment complaint na nakahain dito sa Kamara.
Itinanggi ni Alvarez ang mga alegasyon ng grupong Filipino Alliance for Transparency and Empowerment (FATE) na kinokontrol ng Kamara ang mga pagdinig sa impeachment dahil “he has an ax to grind against Sereno for allegedly testifying against him in the Philippine International Air Terminals Co. Inc. (PIATCO) case.”
Si Alvarez ang noo’y hepe ng Department of Transportation and Communications (DoTC) nang isagawa ang kontrobersiyal na kontrata sa PIATCO, at si Sereno ang isa sa mga abogado laban sa kanya.
Charo Santos, Dingdong Dantes papasok sa Bahay Ni Kuya
“Yung ginagawa nila, doon mo mahahalata na mahina yung ebidensiya. Unang-una yung FATE na iyan, ngayon lang sumulpot iyan, parang kabute iyan na itinayo lang para nga dito sa impeachment hearing ni Sereno,” ani Alvarez.
