WALANG GURLIS!-Balita

18-0 sweep sa NCAA, naisakatuparan ng Lyceum Pirates.

KLASIKONG panalo para sa makasaysayang kampanya ng Lyceum of the Philippines University Pirates sa NCAA men’s basketball.

San Beda's Donald Tankoua (right) appears to push the nose of Lyceum's CJ Perez during the NCAA Round 2 match at Filoil Flying V Centre in San Juan, October 19, 2017 (Rio Leonelle Deluvio)

Dumaan sa matandang kawikaan na butas ng karayom ang Pirates para maitakas ang 107-105 double overtime win kontra San Beda College Red Lions at kumpletuhin ang double round elimination sweep sa Season 93 ng pinakamatandang collegiate league sa bansa.

Mistulang nagkampeon ang Pirates, kasama ang mga opisyal at tagahanga sa center court ng FilOil Flying V Center nang maagaw ni CJ Perez ang bola sa huling pagtatangka ng San Beda na makahirit pa sa buzzer.

Bukod kay Perez, nangibabaw ang husay ni Mike Nzeusseu na kumana ng 27 puntos at 21 rebounds at dalawang blocks.

Kumubra si Perez, nangunguna sa MVP award, sa naiskor na 20 puntos, anim na rebounds, anim na assists at apat na steals.

Magkatuwang ang dalawa sa huling anim na free throws sa huling dalawang minuto ng second overtime na siyang sandigan ng Lyceum para maisakatuparan ang 18-game sweep at pantayan ang nagawang tagumpay ng San Beda noong 2011.

Awtomatikong umusad sa championship round ang Pirates – kauna-unahan sa koponan – mula nang maging miyembro ng pinakamatandang liga sa bansa noong 2010.

Tangan nila ang thrice-to-beat na bentahe sa championship series. Sasabak naman ang San Beda sa playoff kasama ang No.3 Jose Rizal College at ang magiging No.4 team sa pagtatapos ng elimination round.

Kasalukuyang naglalaro ang San Sebastian College at Perpetual kung saan sakaling manalo ang Stags ay lilikha ng triple-tie para sa No.4 spot kasama ang Letran at Arellano University.

Iskor:

LPU (107) – Nzeusseu 27, Perez 20, Marcelino JC 9, Caduyac 9, Pretta 8, Santos 8, Ayaay 7, Baltazar 6, Serrano 6, Marcelino JV 4, Ibanez 1

SAN BEDA (105) – Tankoua 34, Bolick 16, Mocon 14, Doliguez 13, Abuda 8, Presbitero 6, Soberano 5, Noah 4, Oftana 3, Cabanag 2, Potts 0, Bahio 0, Adamos 0

Quarterscores: 25-22, 56-46, 70-69, 85-85, 97-97 (1OT), 107-105 (2OT)

Mga klase, pasok sa tanggapan ng gobyerno suspendido sa Oktubre 31

Suspendido na ang mga klase sa lahat ng antas gayundin ang mga pasok sa tanggapan ng gobyerno sa darating na Oktubre 31 ng 12:00 ng tanghali, para sa paggunita ng All Saints' Day at All Soul's Day, ayon mismo sa Malacañang.Sa ipinalabas na Memorandum Circular No. 67 na nilagdaan ni Executive Secretary Lucas Bersamin, wala nang pasok sa nabanggit na oras at petsa para magbigay-daan sa...

Baggage handling system sa NAIA 3, bumigay; nagdulot ng aberya sa mga pasahero

Daan-daang pasahero ang nakaranas ng aberya dahil sa bumigay na baggage handling system sa terminal 3 ng Ninoy Aquino International Airport (NAIA) nitong Martes, Oktubre 22.Sa huling Facebook post ng Cebu Pacific nitong Martes ng tanghali, Oktubre 22, inaksyunan na nila ang problema sa nasabing terminal kasama ang New NAIA Infrastructure Corp. (NNIC).“CEB has established a dedicated team to...

‘Kristine’ bahagyang lumakas habang nasa PH Sea ng Bicol Region

Bahagya pang lumakas ang Tropical Storm Kristine ang kumikilos ito sa Philippine Sea sa silangan ng Bicol Region, ayon sa Philippine Atmospheric, Geophysical and Astronomical Services Administration (PAGASA) dakong 5:00 ng hapon nitong Martes, Oktubre 22.Sa update ng PAGASA, huling namataan ang sentro ng Tropical Storm Kristine 390 kilometro ang layo sa silangan ng Daet, Camarines Norte.Taglay...