Ni: Light A. Nolasco
BALER, Aurora - Nagbabala ang Department of Trade and Industry (DTI)-Aurora na huwag maniwala sa mga nagpapakilalang kawani ng kagawaran na gumagala sa lalawigan.
Nagsusuri umano ng mga tangke ng LPG ang mga impostor, at pagkatapos ay mag-aalok ng mga safety device para umano makatipid sa pagkonsumo nito.
Ayon kay Pacita Bandilla, DTI-Aurora provincial director, wala umano silang tauhan na nagbabahay-bahay para mag-alok ng mga produkto. Wala rin umanong safety device na itinitinda ang DTI-Aurora.
Probinsya
Mag-inang menor-edad, natagpuang nabubulok na bangkay sa loob ng sariling bahay
Hinala niya, maaaring naniniktik lang ang mga kawatan para makapagnakaw, kasabay ng panawagang isumbong agad sa mga awtoridad kung makakaharap ang mga impostor na ito.
