'Palaro sentro ng PSC program' -- Ramirez-Balita

Ni Edwin Rollon

MAS palalakasin ng Philippine Sports Commission (PSC) ang Palarong Pambansa ngayong nasa kapangyarihan ng ahensiya ang pagorganisa at pagsasagawa ng regional elimination para sa taunang torneo para sa mga estudyanteng atleta.

Matapos ang nagkakaisang pahayag ng Commission on Higher Education (CHED) at Department of Education (DepEd) na nagkaklaro sa kapangyarihan ng PSC para pangasiwaan ang collegiate sports, gayundin ang partisipasyon ng mga estudyanteng atleta sa international competition, sinabi ni PSC Chairman William ‘Butch’ Ramirez na mas paiigtingin ng ahensiya ang programa sa grassroots level.

“It’s timely. Right now, we’re planning to scrap the Batang Pinoy next year and focus on the Palarong Pambansa.

Institusyon na ang Palaro, naka-set up na ang organization nito, kaya mas madali para sa atin na palakasin na lang ito sa aspeto ng technical, coaching and training,” sambit ni Ramirez.

Bilang panimula, sinabi ni Ramirez ang pagsasagawa ng national consultative meeting for collegiate sports sa Oktubre 17-18 sa Philsports Multi-Purpose Arena sa Pasig City.

Sentro ng pagpupulong na inaasahang lalahukan ng 140 kinatawan ng mga unibersidad, kolehiyo at eskwelahan, gayundin ang school leagues, ang pagpapataas ng kalidad ng kompetsiyon sa school level.

“Remember that no less than the President has instructed us to make sports accessible to all, to involve the youth more,” pahayagt ni Ramirez.

Iginiit ni Ramirez na ang katatagan ng elite sports ay mapagtatagumpayan kung magiging malalim ang pagsasanay ng mga atleta sa grassroots level.

“University sports has always played a big role in elite sports. It has been a rich ground of sports talent and we want to continue to support them,” aniya.

“PSC is very serious in strengthening grassroots sports. School sports is a pertinent component of that effort,” sambit ni Ramirez, isang educator at book author bago na-appoint sa PSC sa ikalawang pagkakataon.

Nakatakdang isagawa ang Palarong Pambansa sa susunod na taon sa Ilocos Sur. Ang lalawigan ang tatayo ring host sa PSC-sponsored Batang Pinoy sa susunod na linggo.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...