Ni: Reggee Bonoan
MARAMI ang nagtatanong sa amin kung magtatapos na ang Ikaw Lang Ang Iibigin nina Kim Chiu, Jake Cuenca at Gerald Anderson dahil nga nalaman nang si Rigor (Daniel Fernando) ang nakapatay kay Victoria (Ayen Munji-Laurel) nang magtalo sila at maitulak niya ito.
Hindi pa dapat malalantad si Rigor kung hindi nagtanong ang sariling anak na si Carlos (Jake Cuenca) kung sino talaga ang pumatay sa nanay niyang si Victoria (Ayen), natigilan ang una, at saka dinalaw ang puntod ng nanay ng anak.
National Coming Out Day, paano nga ba nagsimula?
Sumakto na may isang babaeng dumating sa opisina ni Roman (Michael de Mesa) at nagpakilalang ito ang kapatid ng babaeng naanakan ng una at dinala ang anak nilang si Carlos (Gerald) pero ibang babae raw ang nadatnan niya.
Pero sa katitingin ng babae sa baby pictures ni Carlos ay nabanggit niyang, hindi iyon ang batang dinala niya sa bahay nina Roman, kaya may bagong twist na naman ang Ikaw Lang Ang Ibigin.
Ito na siyempre ang kasagutan sa mga nagtatanong, matatagalan pa bago matapos ang serye ng Kimerald dahil kapapasok lang sa istorya nina Arci Muñoz bilang boss ni Gerald na magkakagusto sa kanya. Gayundin si JC Santos na nanliligaw naman kay Bianca (Kim).
Naaliw kami sa TFC subscribers na kakilala namin dahil hindi na raw sila makatayo sa kinauupuan nila kapag nanonood ng mga teleseryeng inaabangan nila dahil pawang magaganda.
