CHED, apir sa mandato ng PSC-Balita

PINAGTIBAY ng Commission on Higher Education (CHED) ang pagkilala sa karapatan at kapangyarihan ng Philippine Sports Commission (PSC) sa pagpili at pag-organisa ng mga programa para sa paglahok ng atletang Pinoy sa iba’t ibang international competition, kabilang ang SEA Games at Asian Games.

Sa liham ng CHED kay Department of Education Assistant Secretary Tony Umali, in-charge of Legislative Affairs, Partnerships at External Linkages, sinabi ni CHED Chairperson Patricia Licuanan na may karapatan ang PSC para makapili ng mga players na isasagupa sa international tournament.

“These are powers belonging to the PSC,” pahayag ni Licuanan patungkol sa provision sa Republic Act 6847, ang batas na nagbuo sa PSC noong 1990.

Inilabas ng CHED ang klaripikasyon matapos ang ilang pagkakataon na sa CHED huminge ng endorsement ang ilang institusyon at sports body para makalahok sa torneo sa abroad.

Ikinalugod ni PSC Chairman William ‘Butch’ Ramirez ang paglilinaw na ginawa ng CHED at pagsang-ayon sa gawain at responsibilidad ng ahensiya sa amateur sports batay sa kapangyarihang ibinigay ng batas.

“We thank CHED for this nod. When we put things in order, it is easier for us to work together for development. Both CHED and DepEd are valuable partners of the PSC in sports development among the youth,” pahayag ni Ramirez.

Para mas maipatupad at malinawan ang aspeto ng papel ng PSC, magsasagawa ang ahensiya ng National Consultative Meeting for Collegiate Sports sa Oktubre 17-18 sa Philsports Multipurpose Arena sa Pasig City.

“University sports has always played a big role in elite sports. It has been a rich ground of sports talent and we want to continue to support them,” sambit ni Ramirez.

“PSC is very serious in strengthening grassroots sports. School sports is a pertinent component of that effort,” aniya.

Samantala, ipinahayag ni Ramirez na nakikipag-ugnayan na ang PSC-NSA Affairs sa tanggapan ni Executive Secretary Salvador Medieldia para personal na igawad ng Pangulong Duterte sa Malacanang ang cash incentives sa mga atletang nagwagi ng medalya sa 9th Asian Para Games at 5th Asian Indoor and Martial Arts Games (AIMAG).

“They (athletes) deserves this. We are coordinating with the PMS as to the availability of the President,” aniya.

Nagwagi ang Team Philippines ng kabuuang dalawang ginto, 14 silver at 14 bronze medal sa AIMAG, habang humakot ng 20 ginto, 20 silver at 29 bronze ang Asean Para Gamers.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...