Ni: Reggee Bonoan
FOLLOW-UP ito sa sinulat naming pag-uwi ng Pilipinas si Janine Gutierrez nitong Sabado ng tanghali para samahan si Rayver Cruz sa 25th Star Magic Ball sa Makati Shangri-La.
Sinulat namin kahapon na umuwi ng Pilipinas si Janine mula Bali, Indonesia dahil siya ang ka-date ni Rayver sa ball.
Ang mayamang tradisyong tatak ng 'Paskong Pinoy'
Hindi nagtapos sa ball ang kuwento dahil may nag-text sa amin na nakakita kina Rayver at Janine sa NAIA 3 kinaumagahan (kahapon, Linggo ng madaling araw). Hindi naibigay sa amin ng source ang eksaktong oras ng flight ng dalawa.
“Rayver and Janine spotted at NAIA 3,” eksaktong mensahe sa amin.
Ayon sa napagtanungan namin sa kampo ng GMA-7 actress, kasama ni Janine ang mga kaibigan niya sa Bali para ipagdiwang ang kanyang kaarawan ngayong araw, Oktubre 2.
Hmmm, sa madaling salita, bumalik sa Bali si Janine at kasama na si Rayver.
Nakakatuwa naman sina Rayver at Janine dahil napagbigyan nila ang isa’t isa sa kani-kaniyang okasyon.
Sabi sa amin ng katotong close kay Janine, hindi pa sinasagot ng dalaga ang aktor. Posible kayang sa pagbalik nila ng Pilipinas ay ‘sila na’?
