Ni: Gilbert Espena
NAPANATILI ni Philippine bantamweight champion Glen Suminguit ang kanyang titulo matapos talunin sa 5th round technical decision si dating Philippine Boxing Federation (PBF) super flyweight champion Renoel Pael sa Elorde Sports Complex sa Paranaque City.
Ito ang unang depensa ni Suminguit ng kanyang korona mula nang matamo niya ang bakanteng bantamweight title ng Games and Amusement Board (GAB) laban kay Alvin Bais para mapaganda ang kanyang rekord sa 20 panalo, 3 talo na may 10 pagwawagi sa knockouts.
Sa undercard ng laban, pinatulog sa 1st round ni WBO No. 6 super bantamweight Juan Miguel Elorde ng Pilipinas si Indonesian Afrizal Tamboresi.
Mikee Cojuangco-Jaworski, chair ng Coordination Commission ng Brisbane 2032
Tiyak namang aangat sa world ranking si WBO No. 7 at WBO Oriental lightweight titlist Juan Martin Elorde nang patulugin sa 6th round ang beteranong si Arief Blader na isa ring Indonesian.
