Ni: Beth Camia
Nagsampa si Patricia Bautista, asawa ni Commission on Elections (Comelec) Chairman Andres Bautista, ng kasong disbarment laban kay UST Law dean Nilo Divina sa Korte Suprema dahil sa diumano’y pagbibigay ng komisyon o referral fees sa poll chief.
Partikular na binanggit ni Patricia ang dumano’y pagre-refer ni chairman Bautista ng mga election protest cases sa Divina Law Office kapalit ng pagtanggap ng komisyon o referral fee.
Hindi kasama sa mga kinasuhan ang Comelec chief dahil sa kanyang immunity from suit bilang impeachable official. May 20 pang kasamahan ni Divina sa law office ang inakusahan ng paglabag sa Code of Professional Responsibility. Hiniling din sa Korte Suprema ni Mrs. Bautista na ipasara ang Divina Law Office.
