'Di maawat ang Red Lions-Balita

'Di maawat ang Red Lions

HINDI lang Pirata ng Intramuros ang nananalasa sa NCAA Season 93. Mag-ingat sa naninibasib na Red Lions ng Mendiola.

Nahila ng San Beda Red Lions ang winning streak sa 10 laro nang ngatain ang San Sebastian Stags, 76-65, nitong Biyernes para patatagin ang katayuan sa top two seeding sa Final Four ng seniors basketball tournament sa Fil-Oil Flying V Center sa San Juan City.

Bunsod ng panalo, nanatiling matatag ang Red Lions (11-1) sa likod ng nangungunang Lyceum of the Philippines Pirates na matikas sa 12-0 marka.

Hataw si JV Mocon sa naiskor na 17 puntos at 11 rebound para sa Red Lions, tampok ang three-pointer sa huling 1:04 ng laro para palobohin ang bentahe sa 76-64.

“It’s really our defense which stepped up. We had a hard time preparing against San Sebastian. We know they have a good coach in coach Egay (Macaraya) and a great player in (Michael) Calisaan,” pahayag ni Fernandez.

Ngunit, nabalutan muli ng kontrobersyal ang panalo ng Red Lions nang mapatalsik sa laro si Calisaan nang tawagan ng disqualifying foul nang masiko sa mukha si Mocon may 3:33 ang nalalabi.

“Alam naman namin coming to this game na magiging physical. We just came in prepared. Ang mentality namin if they’re gonna be physical, maging physical din kami sa kanila,” pahayag ni Mocon.

Sa opening day, binawi sa San Beda ang panalo kontra Perpetual bunsod nang maling jersey na naisuot sa laban.

Nanguna si Calisaan sa San Sebastian na may 23 puntos. Bagsak ang Stags sa 5-6 karta.

Iskor:

SAN BEDA (76) – Mocon 17, Potts 16, Bolick 11, Tankoua 8, Presbitero 8, Cabanag 6, Doliguez 5, Soberano 3, Adamos 2, Bahio 0, Abuda 0, Oftana 0, Tongco 0

SAN SEBASTIAN (65) – Calisaan 23, Bulanadi 12, Gayosa 10, David 5, Ilagan 5, Baetiong 4, Calma 2, Navarro 2, Capobres 2, Costelo 0, Mercado 0, Valdez 0, Are 0

QUARTERSCORES: 26-15, 42-36, 58-53, 76-65

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...