Ni: Light A. Nolasco
TALAVERA, Nueva Ecija - Baril, droga at drug paraphernalia ang umano’y narekober sa isang drug personality na nasawi makaraang makaengkuwentro umano ang mga pulis at mga operatiba ng Provincial Drug Enforcement Unit (PDEU) sa operasyon sa Barangay Sampaloc sa Talavera, Nueva Ecija, nitong Huwebes ng umaga.
Sa ulat ni Supt. Joe Neil E. Rojo, OIC ng Talavera Police, kay Nueva Ecija Police Provincial Office director Senior Supt. Antonio C. Yarra, kinilala ang napaslang na si alyas “Alou/Alo”.
Ayon sa imbestigasyon, dakong 4:00 ng umaga nang ikasa ang operasyon laban sa suspek at sa mga kasama nito, hanggang makatunog umano ang suspek sa transaksiyon at nagpaputok ng baril na nauwi sa bakbakan.
Tinatayang 132,000 pamilya, lumikas sa Eastern Visayas dahil sa super typhoon Pepito
Sinasabing napuruhan si Alou habang kaagad namang nakatakas ang kasamahan nito sakay sa isang motorsiklong hindi naplakahan.
