Ni: Nitz Miralles
ANG cute lang! Ni-like ni Dingdong Dantes ang post ni Miguel Tanfelix na picture nila ni Marian Rivera nang mag-guest si Miguel at ibang cast ng Mulawin vs Ravena na magtatapos na bukas.
Sabi kasi ni Marian, ang guwapo ni Miguel at crush niya ito. Hindi ‘yun ang first time na pagsasabi ni Marian na guwapo si Miguel at crush niya ito at siyempre, kinilig si Miguel. Ang caption nga niya sa picture nila ni Marian ay, “Try na hide my kaba and kilig. Haha!”
Libreng kapon sa mga pusang 'Maris' at 'Anthony' ang pangalan, handog ng isang veterinarian
Marami ang nag-congratulate kay Miguel dahil sa rami ng Kapuso actors na may crush kay Marian, siya naman ang crush nito. May mga nag-request tuloy sa GMA-7 na pagsamahin sa isang teleserye ang dalawa.
Samantala, masaya at malungkot si Miguel sa pagtatapos ng Mulawin vs Ravena dahil favorite niya ang first teleserye niyang ito.
“First teleserye at first fantaserye ko ito at double special pa sa akin dahil that time, when I was five years old, ginampanan ko si Pagaspas at muli kong ginampanan ngayong 18 years old na ako. Ang wish ko, ‘pag muling ni-remake ang Mulawin, sa akin uli ibigay ang role ni Pagaspas,” wika ni Miguel.
Tiyak na masaya ang fans nina Miguel at Bianca Umali sa pagtatapos ng Mulawin vs. Ravena dahil nagkatuluyan sila.
Ikinasal sila at kung ibabalik pa ang fantaserye, puwedeng palabasing nagkaanak sila.
