Ni: Gilbert Espeña
HANDA na si IBF world light flyweight champion Milan “El Metodico” Melindo at IBO light flyweight titlist Hekkie “The Hexecutioner” Budler sa kanilang unification bout na “Pinoy Pride 42: Clash for Glory” sa Setyembre 16 sa Waterfront Cebu City Hotel and Casino sa Cebu City.
Ipinahayag ng IBF na magsisilbing referee ang Amerikanong si Wesley Melton samantalang ang mga hurado ay sina Takeo Harada ng Japan), Glenn Trowbridge ng United States at Carl Zappia ng Australia.
Tiniyak ni Melindo na hindi siya papayag na maagaw ang kanyang korona dahil gusto pa niyang sungkitin ang mga korona sa WBC, WBA at WBO.
Mikee Cojuangco-Jaworski, chair ng Coordination Commission ng Brisbane 2032
“Nagdaan ako sa butas ng karayom bago naging world champion kaya pagsisikapan kong talunin si Budler,” ani Melindo.
“Mabuti dito sa Pilipinas ang laban, mahirap manalo sa South Africa.”
Magsasagupa rin sina WBO No. 3 light welterweight Jason Pagara ng Pilipinas laban kay dating former African welterweight champion Richmond Djarbeng ng Ghana.
Magsasagupa rin sa all-Filipino IBF world bantamweight eliminator sina IBF Intercontinental champion Jonas Sultan at two-division world champion John Riel Casimero na magiging referee si Allen Huggins ng New Jersey sa US.
Ang magwawagi kina Sultan at Casimero ang hahamon kay IBF super flyweight champion Jerwin Ancajas na isa ring Pilipino.
