Ni: Mary Ann Santiago

Nasa 29 na miyembro ng Kalipunan ng Damayang Mahihirap (Kadamay) at ilang residente ang inaresto ng awtoridad habang 22 pa ang sugatan nang mauwi sa gulo ang kanilang kilos-protesta sa pagtatangkang pigilan ang demolisyon sa 1,000 bahay sa Barangay Sta. Lucia, Pasig City kahapon.

Residents thow stones, bottles and molotov bombs to memebers of the Pasig PNP civil disturbance and management group as they try to fight back the scheduled demoliltion of their homes along East Bank Road, Brgy Sta Lucia, Pasig City. August 31,2017. The demolition did not push through but authorities were forced to dismantle the barricade that the residents build as it stops the traffic in the area and caused a massive traffic jam. (Mark Balmores)

Idiniretso sa presinto ang mga inaresto habang nilapatan naman ng lunas ang 22 sugatan na binubuo ng mga Kadamay, mga residente, mga bumbero, at pulis.

Classic movie ‘Ipaglaban Mo!’, ipinalabas ng CCP bilang kampanya vs VAWC

Sa ulat ng Pasig City Police, umaga pa lamang ay nagkilos-protesta at binarikadahan ng mga Kadamay at mga residente ang kanilang lugar upang pigilan ang nakaambang demolisyon.

Binigyan ng Pasig City Police ng hanggang 12:00 ng tanghali ang mga residente upang umalis sa kanilang bahay ngunit nagmatigas ang mga ito kaya napilitan ang awtoridad na sapilitan silang paalisin, bandang 1:45 ng hapon.

Nanlaban ang mga residente at namato ng mga bato at bote kaya nauwi sa kaguluhan sa demolisyon.