TAIPEI – Makulimlim ang ulap sa kampanya ng Team Philippines sa Taipei Universiade.
Matapos ang matikas na kampanya sa preliminaries ng table tennis, badminton at billiards – tatlong sports na nagpamalas ng katatagan sa kaagahan ng rounds – kabiguan ang kinasadlakan nitong Lunes.
Natuldukan ang three-game winning streak ni Lemuel Agbon nang matalo kay Wi Hun Kang ng Korea sa round-of-32 singles encounter.
Naunang ginapi ng 22-anyos mula sa University of Cebu sina Karan Rai ng Nepal, 3-1; Carlos Barraza Vergara ng Colombia, 3-2; at Habib Antoun ng Lebanon, 3-2.
Another gold! Hidilyn Diaz, isa nang guro sa UP Diliman
Natalo rin ang kasangga ni Agbon na si John Vincent Cabaluna kontra Masaki Yoshida ng Japan sa round-of-32 encounter.
Hindi rin pinalad si John Rodlin Bautista kontra Eirik Riisnaes ng Norway, 7-11, sa quarterfinal showdown ng men’s individual biliards event sa Taipei Expo Dome.
Nakatunggali naman ni Bautista, 22 anyos na estudyante mula sa Trinity University of Asia, si Riisnaes nang talunin si M. Soronzonbold ng Mongolia, 11-10, sa round 16.
Kinalaban din ng 9’ball men’s doubles team nina Bautista at James ang Japanese duo na sina Jengi Suzuli at Tskayuki Shishido sa quarterfinals na napagtala ng 8-11 loss.
