Ni: Light A. Nolasco
SCIENCE CITY OF MUÑOZ, Nueva Ecija - Hindi nakalusot sa checkpoint ang isang miyembro ng Sangguniang Panglungsod at kasama nitong kawani ng city hall makaraan silang maaresto sa Muñoz-Lupao Road sa Barangay Bical, Muñoz City, Nueva Ecija, nitong Linggo ng madaling araw.
Kinilala ng San Jose City Police ang mga naarestong sina Vincent Alvarez y De Vera, 43, city councilor, at taga-Villa Antonia, Bgy. Poblacion South; at Marvin Hipolito y Saclolo, 34, city hall employee, ng Bgy. Calabalabaan, na nahulihan ng hinihinalang shabu at drug paraphernalia.
Dakong 3:00 ng umaga nang parahin at sitahin sa checkpoint ang motorsiklong kinalululanan ng mga suspek dahil bukod sa walang plaka ang sasakyan ay wala umanong suot na helmet ang dalawa.
Mag-inang menor-edad, natagpuang nabubulok na bangkay sa loob ng sariling bahay
Ipakikita sana ni Hipolito ang rehistro ng motorsiklo nang malaglag ang aluminum foil mula sa U-box compartment, na nakuhanan pa ng drug paraphernalia, bukod pa sa nakuha umano sa konsehal.
