NI: Liezle Basa Iñigo
DAGUPAN CITY – Inihayag kahapon ng National Grid Corporation of the Philippines (NGCP) na sampung oras na mawawalan ng kuryente sa ilang bahagi ng Pangasinan bukas, Miyerkules.
Ayon kay Melma C. Batario, Regional Communications and Public Affairs Officer, magsisimula ang brownout ng 7:00 ng umaga hanggang 5:00 ng hapon, at apektado ang Central Pangasinan Electric Cooperative (CENPELCO) sa Bautista at Bayambang Substations.
Bibigyang-daan ng brownout ang pagsasaayos sa mga depekto ng Tumana-Bayambang 69kV line.
OFW na hinoldap, inundayan ng saksak sa terminal sa Maynila, nakauwi na ba sa pamilya?
Samantala, apektado naman ang PANELCO III-Urdaneta (New), Rosales, Carmen, Barangobong, Tayug at Umingan Substations ng maikling brownout mula 7:00 ng umaga hanggang 8:00 umaga at 4:00 ng hapon hanggang 5:00 hapon.
