ANG 2-stag semifinal round ng kauna-unahang BNTV Cup ay magpapatuloy ngayon (Agosto 11) sa Del Monte Cockpit, Malabon City na siyang magsisilbing labanan ng mga nag-qualify mula sa mga eliminasyon na ginanap sa Sta. Maria, Bulacan; Sta. Monica Cockpit sa Novaliches, Quezon City Malolos at La Loma Cockpit.
Nakatakda rin ngayon ang 2-stag semis sa Dasmariñas Coliseum para sa mga nag-elims sa Las Piñas Coliseum, Dasma at Imus Cockpit.
Handog ng Thunderbird Bexan XP & Thunderbird Platinum, ang “early bird compeition” na ito ay pinangungunahan nina Joey Sy, Eddie Boy Ochoa at mga nasa likod ng programang pang-telebisyon na Bakbakan Na.
Sa mga may iskor na 3 puntos pagkatapos ng semis ay maghaharap sa Agosto 21 sa Smart Araneta Coliseum, samantalang ang mga walang talo na may tig-apat na panalo ay maglalaban para sa kampeonato sa Agosto 24 sa Big Dome.
