Ni: Gilbert Espeña

NANGAKO si WBO welterweight champion Jeff Horn na muli niyang tatalunin si eight-division titlist Manny Pacquiao.

Nais patunayan ni Horn na walang daya ang kanyang panalo kahit muntik siyang mapatulog ni Pacquiao sa 9th round ng kanilang laban noong nakaraang Hulyo 2 sa harap ng mahigit 51,000 boxing fans sa Suncorp Stadium sa hometown niya na Brisbane.

“I’m happy for a rematch, especially after all the flak I received before the second scoring came out. Now it’s out, I still receive people saying I didn’t win. I’m willing to prove it again and beat him for the second time,” sabi ni Horn sa Sydney Morning Herald.

Romualdez sa Araw ng Kalayaan: 'Di lang pag-alala kundi pagprotekta rin sa kinabukasan'

Batid ni Horn na kontrobersiyal ang kanyang panalo lalo’t dapat siyang natalo sa disqualification pero iniiwasan niyang banggitin ang kanyang foul tactics sa ibabaw ng ring.

“I’m still proving a point. I’ve got to make sure I train just as hard. I never say I want a knockout but it’s always easier if the fight ends before the 12th round. I can improve a lot more from where I have been in the past. I think I did well in the last fight, I’ll do better the second time,” giit ni Horn. “I’ve done it before, I know what I have to do to try hard and do it again. I know I can push through to more levels.”

Ngunit, tulad ng unang laban, titiyakin ng Team Horn na ang rematch sa Nobyembre ay gagawin sa Australia na may unang karapatan ang estado ng Queensland pero puwedeng gawin ang sagupaan sa Melbourne na Etihad Stadium na may bubong o sa Qudos Bank Arena sa Sysney na kayang mag-accommodate ng 21,000 boxing fans.