Ni: Mar T. Supnad
PANIQUI, Tarlac – Arestado ang isang pari, at dalawang iba pa, sa buy-bust operation sa Barangay Poblacion Norte.
Sa kanyang report, kinilala ni Supt Joel Mendoza, hepe ng Paniqui Police, ang mga naaresto na sina Randy Valdez, 35, ng District 1, Cuyapo, Nueva Ecija; Mike Raven Quinto, 20, ng Bgy. Poblacion Sur; at Camille Franilla, 23, ng Bgy. Poblacion Norte.
Si Valdez ay kumpirmadong pari ng Iglesia Filipina Independiente (IFI), na mas kilala bilang Aglipayan Church, sa bayan ng Cuyapo.
6 dayuhang nagsasagawa ng medical mission sa Leyte, ninakawan!
“When we accosted Valdez along with the 2 other suspects, I thought he (Valdez) was joking, or either high on drugs, when he introduced himself as a priest. But it turned out to be true, he is a priest of the Aglipayan church,” pahayag ni Mendoza.
Dagdag pa ni Mendoza, “the target of our entrapment were Camille (Franilla) and Quinto who are both on our Municipal Watchlist of Drug Personalities. It was Camille who received the P500 marked money from my policeman poseur buyer but it was this person (Valdez) who handed the 2 plastic sachets of shabu. That’s why we arrested them.”
“Nagsimula akong gumamit (ng shabu) bago pa ako pumasok sa pagpapari. (Mula noon) hindi ko (na) mapigil ang sarili ko na gumamit,” pag-amin ni Valdez nang hingan ng komento.
Nasamsam kay Quinto ang limang plastic sachet ng shabu, habang inamin naman ni Franilla na ito na ang ikalawang beses na naaresto siya dahil sa ilegal na droga.
