Ni: Gilbert Espeña

Tiyak na aangat sa world ranking si OPBF bantamweight champion Mark John Yap ng Pilipinas matapos mapatigil sa 4th round ang matagal naging 118 pounds Japanese champion na si Kentaro Masuda sa Osaka, Japan noong Linggo ng gabi.

“OPBF bantam titlist Mark John Yap (27-11, 13 KOs), 118, a Japan-based Filipino, barely retained his title as he came off the canvas three times in the first round and decked ex-national champ Kentaro Masuda (27-8, 15 KOs), 117.5, twice, halting him at 2:59 of the fourth session in a scheduled twelve,” ayon sa ulat ni boxing writer Joe Koizumi ng Fightnews.com.

Bagamat nadehado sa unang round, mabilis nakarekober si Yap para mapatulog ang matibay ring si Masuda sa 4thround ng kampeonato kaya tiyak na aangat siya mula sa pagiging WBC No. 7 at IBF No. 9 sa bantamweight division.

Another gold! Hidilyn Diaz, isa nang guro sa UP Diliman

Ito ang ikawalong sunod na panalo ni Yap sa Japan at umaasang magkakaroon ng pagkakataong hamunin sina WBC bantamweight champion Shinsuke Yamanaka ng Japan at IBF 118 pounds titlist Ryan Burnett ng United Kingdom.