SWU, UNO-R , nangunguna sa BVR on Tour National Championships-Balita

Pinangunahan ng Southwestern University duo nina Dij Rodriguez at Therese Ramas at ng University of Negros Occidental-Recoletos tandem nina Erjane Magdato at Alexis Polidario ang pagratsada ng mga manlalaro buhat sa Visayas sa pagsisimula ng BVR on Tour National Championship noong Biyernes sa Anguib Beach sa Sta. Ana, Cagayan.

Kapwa nagtala ng tig-dalawang panalo ang nabanggit na dalawang Visayas squads para sa maagang pamumuno.

Winalis nina Rodriguez at Ramas ang unang nakatunggaling Batangas, 21-5, 21-1, bago ginapi ang Rizal Technological University-1, 21-6, 21-10, upang manguna sa Group B.

Dinomina naman nina Magdato at Polidario ang Cagayan, 21-7, 21-2 at isinunod ang University of Perpetual Help , 21-19, 21-15 para mamuno sa Group C.

Gaya ng dalawang Visayas teams, nagtala din ang Team Perlas nina Bea Tan at Michelle Morente ng dalawang panalo upang mangibabaw sa Group D. Una nilang iginupo ang Tuguegarao, 21-10, 21-3, bago sinunod ang San Beda, 21-15, 20-22, 16-14.

Sa men’s division, nangingibabaw naman ang mga paboritong University of Santo Tomas at Far Eastrtn University.

Ginapi ng Tigers pair nina KR Guzman at Anthony Arbasto ang RTU, 21-14, 21-9 para sa una nilang panalo sa Group B, habang namayani naman ang Tamaraws duo nina Joshua Barrica at Kevin Hadlocon kontra Ateneo 21-11, 21-18, sa Group D.

Nauna namang nagtala ang Bacolod tandem nina Jonmar Aguillon at dating NU standout Reuben Inaudito ng dalawang panalo upang pmunuan ang Group A habang magkasalo naman sa pamumuno sa Group C ang National University pair nina James Natividad at Fauzi Ismail at University of St. La Salle tandem nina Herold Parcia at Neil De Pedro.

Ang top three teams kapwa sa women’s at men’s division ay ihahanay sa national beach volleyball pool para sa Southeast Asian Championhips sa Singapore sa Setyembre.

Habang isinasara ang pahinang ito ay nilalaro na ang quarterfinal round ng torneo at inaasahang bago matapos ang araw ay tapos na rin ang finals.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...